Unai Ormaetxea andoaindar-oreretar gaztea txikitatik dabil antzerkiaren munduan. Aurtengo Goiburuko jaietan auzotarren aurrean bakarrizketa egin zuen, eta bai bera bai ikusleek ederki pasa zuten. Irailaren 22an Urnietan arituko da, Oianumen egingo den bertso afarian. Nolatan hasi zinen bakarrizketak egiten? Unai Ormaetxea. Txikitan ikastolan antzerkian hasi nintzen, eta ikastolan bertan dramatika klaseak jaso nituen. Baina pauso garrantzitsua iaz eman nuen, Donostiako Zurriola Antzerki Eskolan sartu bainintzen. Ikastolako irakasle batek gomendatu zidan hara joatea, Goenkalen lan egiten duten aktore asko eta asko bertatik ateratakoak baitira. Anartz Zuazua zuzendari ezaguna da nire irakaslea eta asko ikasten ari naiz. Aurten, uda aprobetxatzeko bakarrizketak egiten hasi naiz.  Irailaren 22an Urnietan antzeztuko duzu. Zerbait aurreratzerik ba al dago?  U.O. Antolatzaileekin dagoeneko bilera egin dut, zer egitea nahi duten jakiteko. Aukera ona da...